İvanişvili-Saakaşvili qarşıdurması səngimək bilmir

“Saakaşvili əsri bitdi, heç kim ölkədəki situasiyanı dəyişə bilməz”.

Bu sözləri Gürcüstanın baş naziri Bidzina İvanişvili hökumətə rəhbərlik etdiyi 100 gün ərzində görülən işlər barədə keçirdiyi hesabat xarakterli mətbuat konfransında deyib. 

O bildirib ki, 3-4 ildən sonra Gürcüstan əhalisi ölkədə baş verəcək müsbət dəyişiklikləri hiss edəcək: “Saakaşvili və onun komandasının əlində ölkədəki situasiyanı dəyişdirmək və durumu nəzarətdən çıxarmaq üçün heç bir vasitə yoxdur. Biz vəziyyətə nəzarət edirik”.

B.İvanişvili M.Saakaşvilinin fevralın 8-də parlamentdəki ənənəvi illik çıxışını dinləməyəcəyini də açıqlayıb. Baş nazir qeyd edib ki, o, hələ Vahid Milli Hərəkat Partiyası ilə dialoq aparmağa hazır deyil: “Çünki onlar çıxışlarında obyektiv deyillər“.

Rəqsanə Yusifzadə