Lavrov Avropanı "Türk axını"nı dəstəkləməyə çağırdı

Rusiyanın xarici işlər naziri Sergey Lavrov Avropa Birliyini Moskvanın “Türk axını” qaz kəməri ideyasını dəstəkləməyə çağırıb.

Qara dənizin dibi ilə keçəcək bu kəmərlə Rusiya qazının Türkiyəyə, oradan isə Avropa ölkələrinə çıxarılması nəzərdə tutulur.
Lavrov mayın 15-də Belqradda çıxış edərkən deyib ki, Yunanıstan, Makedoniya, Serbiya və Macarıstanın qoşula biləcəyi bu kəmər Avropaya enerji sabitliyi gətirəcək.
Yeni Yunanıstan hökuməti "Türk axını" layihəsinə maraq göstərir. Amma ABŞ Azərbaycan Xəzər qazını Türkiyəyə, ordan isə İtaliyaya çıxaracaq marşurutun tərəfdarıdır.
Lavrov qeyd edib ki, əgər Avropa Birliyi enerji təhlükəsizliyi istəyirsə, onda Brüssel "Türk axını" ideyasını dəstəkləməlidir.

virtualaz.org