MDB-nin “Metirkası” itib

Zahid Oruc

3 dövlətin ittifaqı kimi meydana gələn Müstəqil Dövlətlər Birliyi təşkilatının yaradılması barədə məşhur razılaşma itib. 1991-ci ilin dekabrında nəhəng imperiyanı Belorusiyanın Belovejsk meşəsində dəfn edən Boris Yeltsin, Leonid Kravçuk və Stanislav Şuşkeviç dünyaya SSRİ-nin süqutu barəsində tarixi açıqlamalar verərkən bəlli olur ki,özlərinə xilas yolu da saxlamışlar.Belə ki,elə həmin ilin avqust qiyamı vasitəsilə dövlət çevrilişinə cəhd edənlərin məlum uğursuzluğundan sonra ehtimali təhlükələrə qarşı sığorta tədbiri kimi yeni müqavilənin orijinalını imzalayan andan ortadan götürüblər.İndi neçə illərdir ki,Belorusiyanın keçmiş rəhbəri Şuşkeviç yazdığı kitaba daxil etmək üçün tarixi imzalarının əslini tapıb onu əsərinə köçürə bilmir.

MDB bir qurum kimi şəhadətnaməsiz də heç bir siyasi struktura və geosiyasətdə fəal rola qadir olmayan qurumdur.Vaxtilə onu sivil boşanma təşkilatı kimi xarakterizə edirdilər.Rusiyanın aparıcı yer almasına hesablanan və müəyyən qədər hərbiləşən MDB faktiki olaraq dünyaya iqtisadi inteqrasiya modeli kimi də son dərəcə yararsızdır.

İndi bəlli olur ki,ərazi bütövlüklərinin təminatında heç bir təsirli mexanizmə malik olmayan bu amorf birliyin siyasi pasportu da saxtadır.