Milli Məclisin önündəki aksiya dağıdıldı

Xəbər verildiyi kimi, Respublikaçı Alternativ hərəkatı (REAL) bu gün Milli Məclis qarşısında etiraza hazırlaşırdı.

Buna səbəb isə Milli Məclisdə şirkətlərdə payçıların adlarının kommersiya sirri olaraq gizlədilməsini nəzərdə tutan dəyişikliyə etirazdır. Bu gün saat 12:00 radələrində İlqar Məmmədov nəzərdə tutulan etiraz çıxışını edəcəkdi.

“Vətəninfo.az”ın əməkdaşının verdiyi məlumata görə, polislər aksiyanın keçirilməsinə maneə olublar. İlqar Məmmədov polis bölməsinə aparılıb. Aksiyaya toplaşan insanlar isə oradan kənarlaşdırılıb.

Az öncə  İlqar Məmmədovla əlaqə saxlayıblar, deyib ki, onu şəhərkənarına aparırlar. Çox güman ki, orada sərbəst buraxacaqlar.