Mitinq təşkilatçıları polisə çağırılıb

İctimai Palatanın sabah Bibiheybət qəsəbəsindəki sürücülük məktəbinin təlim meydançasında keçirəcəyi mitinqlə əlaqədar olaraq bu gün İP təmsilçiləri Bakı Şəhər Baş Polis İdarəsinə dəvət olunublar . “Vətəninfo.az” Musavat.com-a istinadən xəbər verir ki, bu barədə məlumat verən Müsavat başqanının müavini Tofiq Yaqublunun sözlərinə görə, onları BŞBPİ-nin rəis müavini Səhlab Bağırovla görüşüblər. AXCP-nin nümayəndəsi Asəf Quliyevin və VHP təmsilçisi Rafiq Manafovun da qatıldığı görüşdə söhbət sabah keçiriləcək mitinqin təhlükəsizliyinin təmin edilməsindən, ictimai asayişə riayət olunmasından gedib. T.Yaqublunun dediyinə görə, ümumiyyətlə, hər bir kütləvi aksiyadan öncə BŞBPİ-də bu cür görüş keçirilir. Qeyd edək ki, Bakı Şəhər İcra Hakimiyyəti İP-in növbəti mitinqinə icazə verib və yer ayırıb.