Natiq Miri:"İqtidarda yeni simalar görünəcək"

“Ölkədə dəyişikliklərin başlanmasına impuls verilməsi üçün "Gülərqeyt" prosesinin hüquqi və siyasi nəticələri olmalıdır. Bunun əksi mümkün deyil, çünki belə yüklə  heç bir hakimiyyət təmsilçisi seçkiyə gedə bilməz.

Buna görə də seçkilərə qədər köhnə kadrlarla bərabər yeni insanların da komandada yer alacağı gözlənilir. Komandaya yeni obraz verilməsə, Azərbaycandakı proseslər  nə ölkə daxilində, nə də xaricdə islahat kimi qəbul edilməyəcək. Yeni komandada vəzifə borcunu vicdanla yerinə yetirən, məmurlar yer almalıdır. Əks halda,  mahiyyət dəyişməyəcək və cəmiyyətdə narazılıq davam edəcək”.

Bunları açıqlamasında politoloq Natiq Miri  bildirib:

“Prezident seçkiləri ərəfəsində iqtidarın ictimai fikri öz xeyrinə dəyişməsi üçün komandaya yeni kadrların gətirilməsinə ehtiyacı var”.

Politoloq “Bəzi məmurların öz istəyi ilə istefaya getməsi mümkündürmü?” sualını cavablandırarkən bunları deyib: “Azərbaycanda məmurların öz təşşəbüsü ilə istefaya getməsi təəccüb doğurur. Bu kimi rejimlərdə şəxsi təşəbbüs olmur. İqtidardakı bütün “könüllü” istefalar əvvəlcədən  razılaşdırılır".

Rəqsanə Yusifzadə