Novella Cəfəroğlu Müsavat və AXCP QALMAQALından danışdı

“İstəmərəm ki, iki partiya arasında münaqişə yaransın”

“Müsavat başqanı İsa Qəmbər Partiyanın Məclisindəki çıxışında "Novella xanıma kimlər hücum edirsə, onlar əslində Müsavat Partiyasına hücum edir!" deyə bildirib.

Bundan sonra özlərini Müsavatın müttəfiqi adlandıran aralarında AXCP-nin Rəyasət heyətinin üzvlərinin də olduğu bir qrup cəbhəçinin belə bir əsassız və böhtan xarakterli hücuma keçməsi məncə başqa mətləblərdən xəbər verir. Mən səlahiyyətli cəbhəçi dostlarımızdan açıqlama gözləyirəm!”. Bu fikirləri Müsavat Gənclər Komitəsinin sədri Tural Abbaslı deyib.

AXCP Gənclər Komitəsini sədri Əbülfəz Qurbanlı baş verənlərə münasibət bildirməyib. Qısaca “Novella Cəfəroğluna görə danışmağa dəyməz” deyib.
Məsələ ilə bağlı Hüquq müdafiəçisi Novella Cəfəroğlu ilə əlaqə saxladıq.

O, AzNews.az-a açıqlamasında deyib ki, məsələni qəsdən şişirdirlər: “Müsavat və AXCP arasında gərginliyin yaranmasını istəmirəm. İki partiya arasında mənə və Səidə Qocamanlıya görə gərginliyin yaranmasını arzulamazdım. Biz sözümüzü demişik. Bu məsələdə bizim suçumuz yoxdur. Bunu onların özləri də bilirlər. Sadəcə, məsələni bu həddə çatdırmaq yəqin ki, kiməsə lazımdır. Bütün olanlar məqsədli şəkildə həyata keçirilir”.