Novella Cəfəroğlu: "Rövşanə Əliyeva Elçibəyin heç yanına yaxınlaşa bilməzdi"

"Açıqca görünür ki, Əbülfəz Elçibəyin zəhərlənməsi ilə bağlı Rövşanə Əliyevanın günahlandırılması Rövşanə ilə şəxsi müstəvidə qalmaqal yaratmaq istəyənlərin ortaya atdığı bir məsələdi. Bunu yayılan informasiyadan da görmək olar. Bu xəbəri dövriyyəyə buraxanlar ciddi bir yanlışlığa yol verirlər". Bunu Vətəninfo.az-a açıqlamasında hüquq müdafiəçisi, Qadın Hüquqları Müdafiə Cəmiyyətinin sədri Novella Cəfəroğlu bildirib.

Hüquq müdafiəçisinin sözlərinə görə, Əbülfəz Elçibəy bu xalqın dəyər verdiyi şəxsiyyət olub və onu kimsə zəhərləyə bilməzdi: "Bütün bu deyilənlər əsassızdır. Rövşanə heç vaxt Əbülfəz Elçibəyə yaxın düşə bilməzdi, o ki qala bəyi zəhərləsin. Bəyəm Rövşanə Əbülfəz Elçibəylə bir masada oturub çötək yeyirdi ki, onu zəhərləsin? Kimin ağlına nə gəlir, onu da danışır. Heç olmasa nə danışdığınıza fikir verin. Qadına şər atmaq heç kişiyə yaraşan hərəkətdi?".

Kənan

Vətəninfo.az