Novella Cəfəroğludan müxalifətə sərt İSMARIC

“Niyə tutdurursunuz uşağı”

Hələ məhkəmə prosesi davam edir. İndiki halda Nigar Yaqublunun adı siyasi məhbus siyahısına salınması düzgün deyil”. Bu sözləri AzNews.az-a hüquq müdafiəçisi Novella Cəfəroğlu Nigar Yaqublunun adının siyasi məhbus siyahısına daxil edilməsinə münasibət bildirərkən deyib.

O bildirib ki, Nigar Yaqublunu indidən məhbus etmək düzgün deyil: “Hələ bilinmir məhkəmədən sonra nə olacaq. Niyə Nigarı indidən məhbus elan edirsiz? Bunu gündəmə kim gətirib? Bu cür addımlar düzgün deyil. İşi əngəlləmək olmaz axı”.

N.Cəfəroğlu deyib ki, Nigar Yaqublunun buraxılması üçün işlər aparılır: “Bütün proseslər başa çatandan sonra onu siyasi məhbuslar siyahısına salacağıq. Amma indi hələ ki, ortalıqda bir şey yoxdur”.

Qeyd edək ki, Avropa Şurasının Parlament Assambleyasının Hüquq Məsələləri və İnsan Haqları Komitəsinin Azərbaycan üzrə siyasi məruzəçisi Kristofer Ştrasser Nigar Yaqublunun adını siyasi məhbus siyahısına salıb. Bu barədə N.Yaqublunun atası Tofiq Yaqublu “facebook” səhifəsində yazıb.