Obama Azərbaycandan danışacaq; ABŞ-da yeni kampaniya başladı

ABŞ-da Azərbaycanla bağlı yeni kampaniya başlayıb.  Gunxeber.com-un məlumatına görə, Ağ Evin rəsmi səhifəsində Azərbaycanda demokratiya, insan hüquqlarının vəziyyəti ilə bağlı bəyanat yerləşdirilib. Bu barədə Gunxeber.com-a Nyu Yorkda təhsil alan azərbaycanlı tələbə Emil İsmayılov məlumat verib.

Bəyanatda Azərbaycanda siyasi məhbusların olduğu, demokratiyanın boğulduğu, prezident və parlament seçkilərinin nəticələrinin özünü doğrultmadığı bildirilir. Əgər fevralın 27-dək bu bəyanatı yüz min nəfər bəyənsə, Ağ Ev, ABŞ prezidenti Barak Obama Azərbaycanda insan hüquqları və demokratiyanın vəziyyətinə münasibət bildirəcək.

Qeyd edək ki, E.İsmayılov bir neçə gün əvvəl Gunxeber.com-a yolladığı məktubda 2011-ci ildə Azərbaycana gələrkən məcburiyyət qarşısında YAP-a üzv olduğunu, indi isə partiyadan çıxmaq üçün dəfələrlə müraciət etməsinə baxmayaraq, buna məhəl qoyulmadığını bildirmişdi.

Sözügedən bəyanata bu link vasitəsilə səs vermək olar.

https://petitions.whitehouse.gov/petition/recognize-lack-democracy-and-serious-human-rights-violations-azerbaijani-government-call-free/WsnYg7d6