Oqtay Gülalıyev azadlığa buraxıldı

Sabirabad məhkəməsi Kür Vətəndaş Cəmiyyəti Qərargahının koordinatoru barədə həbs qətimkan tədbirini dəyişdirib.

“Vətəninfo.az” BBC Azərbaycan saytına isitnadən xəbər verir ki, məhkəmə hökmünün elanından sonra Oqtay Gülalıyev iclas salonundan sərbəst buraxılıb.

Bununla yanaşı Turan agentliyi fəal barədə cinayət işinin qüvvədə qaldığını bildirir.

Oqtay Gülalıyev aprelin 8-də Sabirabad rayonunda daşqınlardan zərərçəkənlərə kompensasiyaların “ədalətli bölünməsi” tələbi ilə keçən etirazlardan sonra həbs olunub. 

Ona qarşı 3 ilədək həbs cəzasını nəzərdə tutan iğtişaşlara təhrik ittihamı irəli sürülüb.

Qeyd edək ki, 2010-cu ilin yazında çayların daşması zamanı yüz min hektar torpaq və iyirmi min ev ziyan çəkib.

Könül İbrahim