Qabil Hüseynli: «Sarkisyanın bəyanatları təsadüfi deyil»

«Rusiyanın Ermənistana son aylarda intensiv silah satışı, burada Kollektiv Təhlükəsizlik Müdafiə Təşkilatının Akademiyası adı altında Rusiya Silahlı Qüvvələrinin Baş Qərargahının bir filialının açılması, müdafiə naziri Şoyqunun İrəvana gəlib qoşunların döyüş hazırlığı vəziyyətini yoxlaması, burada əlavə desant diviziyasının yerləşdirilməsi istəyi, Bordyujanın kinayəli açıqlamaları və digər məsələlər onu göstərir ki şimal qonşumuz Ermənistanı ciddi şəkildə silahlandırır. Özü də burada ciddi şəkildə möhkəmlənir».

Vətəninfo.az-a açıqlamasında bunları deyən Qabil Hüseynli bildirib ki, Sarkisyanın Qarabağın müstəqil olacağı ilə bağlı verdiyi bəyanatları təsadüfi saymaq olmaz: «Qəbələ RLS-lə bağlı müqavilənin ləğvindən və TANAP layihəsinin reallaşmasından sonra Rusiya-Azərbaycan münasibətlərində kəskin soyuqluq yaranıb. Bu adi soyuma deyil. Rusiya Azərbaycana qarşı dişlərini qıcayıb ki, bu da təhlükəli xarakter almağa başlayır. Belə olan təqdirdə Sarkisyanın Qarabağın müstəqil olacağı ilə bağlı bəyanatlarını təsadüfi saymaq olmaz».

Firudin