“Qarabağın bizdə olmasından ağızdolusu danışırıq”

Biz xeyli pullar xərcləyib regional və beynəlxalq konfranslar keçiririk, müxtəlif seminar və müzakirələr təşkil edirik. 

Bu sözləri Veteninfo.az-a “Diaspor və Lobbi” Strateji Araşdırmalar Mərkəzinin sədri, fəlsəfə üzrə siyasət elmləri doktoru, analitik Zaur Əliyev erməni yalanlarına qarşı virtual mübarizənin əhəmiyyəti ilə bağlı sualımızı şərh edərkən qeyd etdi.

“Burada da Qarabağın bizdə olmasından ağızdolusu danışırıq, ermənilərin işğalçı olmasını deyirik, bu saat müharibə olsa əlimizə silah alıb şəhid olmağa hazırlığımızı bildiririk!! Sonra nahar edib, çay fasiləsindən sonra dağılırıq evimizə”,-deyən mərkəz rəhbəri bir sıra tənqidi fikirlərini səsləndirdi:

“Bu gün normal bir ingilis, fransız, rus, alman, ərəb, fars dillərində kitabları tərcümə edib dünyaya yaymağı lüzümsuz hesab edirik! Bir konfransa 2- min manat xərc çəkib, keçirənə qədər müxtəlif dillərdə sayt açın, kitab buraxın, axı XXI əsr konfrans yox, virtual müharibə ilidir! Ermənilərin yalanlarını ifşa etmək, dünyaya Azərbaycan həqiqətlərini çatdırmaq üçün virtual müharibəni daha da gücləndirməliyik”. 

Elnur Eltürk