"ABŞ Azərbaycan hökumətilə kontaktları davam etdirəcək"

Thomas Melia:"Bizim maraqlarımız bundan ibarətdir: Azərbaycanda sabitlik və firavanlıq istəyirik"

Vətəninfo.az xəbər verir ki, ABŞ-da Demokratiyaya Milli Dəstək təşkilatında (NED) Azərbaycanda insan haqlarının vəziyyəti müzakirə olunarkən ABŞ dövlət katibinin demokratiya və insan haqları üzrə köməkçisinin müavini Thomas Melia çıxış edib. Thomas Melia çıxışında vurğulayıb ki,Azərbaycan hökumətindəki tərəfdaşları ABŞ-nın gerçək maraqlarının nədən ibarət olduğunu bilməsi vacibdir.

"Bizim maraqlarımız bundan ibarətdir: Azərbaycanda sabitlik və firavanlıq istəyirik.Və düşünürük ki, bunu təmin etmək üçün getdikcə daha çox müstəqil səslərə sayğı göstərilməli və normal müasir cəmiyyətlərdə onların adətən gördükləri işləri görmələrinə icazə verilməlidir”.

 
Onun bildirdiyinə görə, ABŞ ən yüksək səviyyədə Azərbaycan hökumətilə kontaktları davam etdirəcək və öz ölkəsinin sürətlə müasir demokratik dünyaya inteqrasiyasına çalışan müstəqil səsləri dəstəkləməkdə davam edəcək.