"Cəbhə bölgəsində vəziyyəti süni surətdə gərginləşdirirlər"

Bu sözləri “Veteninfo.az”a Azərbaycan parlamentinin üzvü, İqtisadi və Sosial İnnovasiyalar İnstitutunun rəhbəri Əli Məsimli cəbhə bölgəsində gərginləşən vəziyyəti şərh edəkən bildirib.

Millət vəkili onu da əlavə edib ki, Ermənistanın arxasında duran ölkə cəbhə bölgəsində vəziyyəti gərginləşdirməklə Azərbaycana mesaj verir ki, ABŞ dövlər katibi ilə danışıqlarda Azərbaycan bu faktoru tam nəzərə alsın.

“ABŞ dövlət katibinin bizim regiona səfəri bu regionda getdikcə gərginləşməkdə olan situasiyanı müzakirə etmək, regionda təhlükəsizlik və əməkdaşlıq məsələləri istiqamətində Çikaqo sammıtindən sonra orada qəbul olunan sənədlərin ruhuna uyğun olaraq konkret işlər addımlar atmaq məqamlarını ingələməkdir. ABŞ-da bu il prezident seçkiləri olacaq və bununla əlaqədar olararaq bizim regionda təhlükəsizlik kontekstində effek götürmək çox zəruridir. Bu isə Rusiyanın xoşuna gəlmir və Qarabağ kartından istifadə etməklə cəbhə xəttində vəziyyəti gərginləşdirməklə həm də ABŞ-a mesaj verir ki, Qafqazı rahat buraxmaq, bu bölgənin xalqlarının sülh və əmin-amanlıq şəraitində yaşamasına şərait yaratmaq fikirləri yoxdur. Nəticədə cəbhə xəttində şəhid qanı axıdılır”.

Elnur Eltürk