"Ehsan Zahidovun məni niyə cəzalandıracağını bilmirəm"

“Mən dövlət nömrə nişanına kustar üsulla müdaxilə etməmişəm”.

Mediada Azərbaycanın tanınmış müğənnisi Vasif Məhərrəmlinin dövlət nömrə nişanına kustar üsulla müdaxilə etdiyi və buna görə də cəzalandırılacağı barədə məlumat yayılıb.
Bu haqda məlumat almaq üçün Vasif Məhərrəmlinin ilə əlaqə saxladıq. Müğənni bütün bunlardan xəbəri olmadığını bildirdi:
“Mən heç bir dəyişiklik etməmişəm. Ehsan Zahidovun niyə belə bir açıqlama verdiyini bilmirəm. Ancaq onu bilirəm ki,bu məsələ ilə bağlı mənə nə Daxili İşlər Nazirliyindən, nə də yol polisindən xəbərdarlıq edilməyib. Heç bir yol polis əməkdaşı məni saxlamayıb. Bu xəbərlər yalandır. Mən dövlət nömrə nişanına kustar üsulla müdaxilə etməmişəm”.
Könül İbrahim