"Ermənilər Şuşadakı məscidlərdən axur kimi istifadə edir"

Türkiyənin millət vəkili erməniləri geri çəkilməyə çağırddı.

“Bu gün Türk hökuməti Vanda olan tarixi kilsəni təmir edib xidmətə verir. Ermənilər isə Şuşada olan məscidləri axur olaraq istifadə edir”.
“Vətəninfo.az” xəbər verir ki, bu sözləri TBMM-nin MHP İqdır millət vəkili Sinan Oğan Şuşanın işğalının 20-ci ildönümü ilə bağlı keçirilən mətbuat konfransında deyib.
O, bildirib ki, Azərbaycan tarixini əks etdirən əsərlərə yox edən ermənilərə qarşı bizim hökumət yaxşı niyyətlə yaxınlaşır:
“Beynəlxalq aləm bir millətin tarixinin yox edilməsinə, məscidlərin axur olaraq istifadə edilməsinə reaksiya vermir. Bu bir ikili standartdan başqa bir şey deyil”.
Millət vəkili, beynəlxalq aləmi erməni işğalı altında olan Azərbaycan torpaqlarına baxmağa və ermənilərə geri çəkilmələri üçün təzyiq etməyə çağırıb.

Mirvari Nəcəf