"Məqsədimiz uşaq və gənclərin..."

“Məqsədimiz uşaq və gənclərin dünyagörüşünün hərtərəfli inkişafına, istedadlı gənclərə dəstək olmaqdır”.

Bu sözləri Vətəninfo.az-a Yeni İstedadlar İctimai Birliyi sədrinin müavini Cəfər Mənsimi bildirib.

Onun sözlərinə görə, İctimai Birlik yeniyetmələrin asudə vaxtlarının səmərəli təşkil olunmasına, onların mədəniyyət ocaqlarına, teatrlara, kitabxana və muzeylərə marağının artırılmasına yardımçı olmağa çalışır. Uşaq və gənclər arasında Azərbaycanı, azərbaycançılıq ideyasını, ölkəmizin keçmiş və bugünkü tarixini, mədəniyyətini aşılayır. “Qarşıya qoyduğumuz məqsədlərə çatmaq üçün müxtəlif tədbirlər, layihələr, konfarans və seminarlar, sərgilər və xeyiriyyə marafonları həyata keçirir, uşaq və gənclərin mədəniyyət ocaqlarına ziyarətlərini təşkil edəcəyik.

İctimai Birliyin digər hədəfi dünyanın müxtəlif ölkələrindən olan istedadlı gəncləri bir araya gətirərək Azərbaycan mədəniyyətini, adət-ənənələrini, zəngin tarixini təbliğ etmək və dünyaya sülh və birlik mesajı verməyi hədəfləyir”-deyə C.Mənsimi əlavə edib. 

Qeyd edək ki, Orxan Həsənoğlunun sədrlik etdiyi İctimai Birlik 2 Fevral Gənclər Günündə mətbuat konfransı keçiriləcək.

Elnur Eltürk