"Radikallar heç nə bilmir"

“Radikal müxalifət nümayəndələri hadisənin baş vermə səbəbini bilmədiyi halda, sosial şəbəkədə bu hadisəyə siyasi don geyindirməyə cəhd etdilər. Amma sonradan radikallar pis vəziyyətə düşdülər”. Bunu AzVision.az-a BAXCP sədrinin müavini Niyaməddin Orduxanlı İsmayıllıda baş verən hadisəni şərh edərkən bildirib.

O deyib ki, rəsmi məlumatlardan göründüyü kimi, bu bir münaqişə zəmində baş vermiş hadisədir: “Avtoxuliqanlıq zəmində münaqişə yaranıb. Bu hadisə daha çox şəxsi zəmində baş vermiş olaydır. Bir neçə adam yığışıb münasibətləri maşınların və ya binanın yandırılması ilə "həll" etmək istəyiblər. Bütün hallarda məsələyə  bu cür yanaşılması doğru deyil. Azərbaycan hüqüqi dövlətdir, bütün məsələlər də hüquq müstəvisində həll edilməlidir. Digər tərəfdən isə həmişə olduğu kimi, bu dəfə də radikal müxalifət nümayəndələri hadisənin baş vermə səbəbini bilmədiyi halda, sosial şəbəkədə bu hadisəyə siyasi don geyindirməyə cəhd etdilər, bu hadisəyə siyasi çalarlar verdilər. Rəsmi açıqlama gəldikdə isə hadisənin dəqiq təfərrüatı bilinəndən sonra radikal müxalifət nümayəndələri pis vəziyyətə düşdülər”.