"Rusiyanın Cənubi Qafqazda yeganə istinadgahı Ermənistandır"

Bu səfərlər Rusiyanın Cənubi Qafqazda möhkəmlənmək istəyinin təzahürüdür. 

Bu sözləri Vətəninfo.az-a Azərbaycan Milli Strateji Təhqiqatlar Mərkəzinin sədri, politoloq Natiq Miri Rusiya rəsmilərinin Ermənistana baş tutan səfərlərini şərh edərkən bildirdi: "Bu Rusiyanın Cənubi Qafqazda yeganə istinadgahı Ermənistandır. Ermənistan həm də digər Cənubi Qafqaz ölkələrinə təsir vasitəsidir. Eyni zamanda, Rusiya Ermənistanın təhlükəsizliyinə qarant verməklə bərabər, həm də Ermənistanın Qərbə inteqrasiyasının qarşısını alır. Böyük tərkibdə Ermənistana səfərin digər nədəni isə NATO ölkələrinin Türkiyə-Suriya sərhədlərində Patriot raketlərinin yerləşdirməsi ilə bağlıdır. Rusiya bu hadisəni Suriyadan çox özünə qarşı olduğunu bəyan etdi. Rusiyanın müdafiə naziri və hərbi sənaye mütəxəssislərinin birgə Ermənistana səfəri Türkiyədə yerləşən "Patriot" raketlərinə qarşı adekvat addımların atılması ilə əlaqəli planların olmasıdır. Ermənistanı Türkiyədən qorumaq adıyla əslində həm Türkiyəyə, həm də Qərbə güc nümayiş etdirirlər ki, bu da Rusiyanın regionu asanlıqla təhvil verməyəcəyinin işarəsi sayıla bilər".

Elnur Eltürk