Ramiz Mehdiyev: “İndiki güclü Azərbaycan Heydər Əliyev strategiyasının nəticəsidir”

“Bu gün Azərbaycanın uğurlu daxili və xarici siyasəti, ölkənin iqtisadi gücünün sürətlə artması, beynəlxalq aləmdə nüfuzunun artması ulu öndər Heydər Əliyev strategiyasının nəticəsidir”. “Vətəninfo.az”ın məlumatına görə, bu fikirləri Yeni Azərbaycan Partiyasının (YAP) ümummilli lider Heydər Əliyevin anadan olmasının 89-cu ildönümünə həsr edilmiş “Azərbaycan 2020: inkişafın yeni hədəfləri” mövzusunda keçirilən konfransda çıxış edən Prezident Administrasiyasının rəhbəri, akademik Ramiz Mehdiyev bildirib. O qeyd edib ki, ümummilli liderin qoyduğu uğurlu siyasi xətt, düzgün idarəçilik yolu onun davamçısı, prezident İlahm Əliyev tərəfindən layiqincə davam etdirilir:

“Azərbaycan müstəqilliyini qazandığı ilk illərdə yaranan çətinliklər, sosial, siyasi, iqtisadi xaos, Dağlıq Qarabağ münaqişəsi nəticəsində torpaqlarımızın itirilməsi onu göstərdi ki, dövlət idarəçiliyində naşı, təcrübəsiz adamlara yer yoxdu”.