Rəsul Quliyev Lalə Şövkətlə birləşir - EKSKLÜZİV

Vətəninfo.az-a daxil olan məlumata görə, hazırda ABŞ-da yaşayan sabiq parlament sədri, Açıq Cəmiyyət Partiyasının (ACP) lideri Rəsul Quliyev qarşıdakı prezident seçkilərində Azərbaycan Liberal Partiyasının lideri, Birlik Hərəkatının sədri Lalə Şövkət Hacıyeva ilə ittifaq yaratmaq niyyətindədir.
Məlumata görə, ACP sədri Sülhəddin Əkbər Rəsul Quliyevin tapşırığı ilə bu günlərdə Lalə Şövkətlə görüşərək məxfi danışıqlar aparıb.
ACP-dən adının açıqlanmasını istəməyən mənbənin verdiyi məlumata görə, görüşdə S.Əkbər L.Şövkətdən prezident seçkilərində Rəsul Quliyevin namizədliyini dəstəkləməsi istəyib.
Verilən məlumata görə, Rəsul Quliyev prezident seçkilərində nə Müsavat başqanı İsa Qəmbərə, nə də AXCP sədri Əlıi Kərimliyə etibar etmədiyindən yola Lalə Şövkətlə çıxmaq istəyir.
Bu ittifaqın baş tutub-tutmayacağı isə xanım siyasətçinin verəcəyi qərardan asılı olacaq.
Məlumata görə, keçirilən görüşdə L.Şövkət bu ittifaqın yaradılması üçün fikirləşmək üçün müəyyən vaxt istəyib.

Kənan
Vətəninfo.az