Rusiya Azərbaycanda vəziyyəti gərginləşdirir?-Şərh

Rusiya indiki şəraitdə Azərbaycanda sosial sabitliyin pozulmasında maraqlıdır.

Bu, bir neçə ciddi əsaslara dayanır. Əvvəla, Rusiya Azərbaycanı indiki sabit vəziyyətdə Putinin Gömrük İttifaqı və Avrasiya İttifaqına xoşluqla sürükləyə bilmir. 

Bu sözləri Vətəninfo.az-a Azərbaycan Milli Strateji Təhqiqatlar Mərkəzinin sədri, politoloq Natiq Miri son vaxtlar cərəyan edən hadisələrdə Rusiyanın rolu ilə bağlı sualımızı cavablandırarkən bildirdi:"Ona görə də Azərbaycanda vəziyyəti qarışdırmaqla yenidən Rusiyanın orbitinə qayıdacağını düşünür. Azərbaycana təzyiqin başqa nümunəsini Ermənistana verilmiş silahlarda və Xocalı aeroportu ilə bağlı süni krizin çıxarılmasında da görürük. Və ən nəhayət Azərbaycanda "Gülərqeyt" olayı ilə bağlı hakimiyyətdəki Rusiyayönlü qüvvələrin sıxışdırılması ilə bağlı ola bilər. Məqsəd gündəmi dəyişmək, cəmiyyətin fikrini başqa problemlərə yönəltmək və zaman qazanmağa xidmət edə bilər".

Elnur Eltürk