“Rusiya və İrana mesaj”

Xəzərdə həyata keçirilən genişmiqyaslı təlimlərə münasibət bildirən hərbi ekspert Azad İsazadə “Vətəninfo.az”a açıqlamasında bildirib ki, belə təlimlər hər bir güc strukturu üçün vacib rol oynayır: “Belə olan hallarda şəxsi heyət, texnika sınaqdan keçilir. Münaqişə hallarında həm güc strukturu öz işini qura bilsin, eyni zamanda da bir neçə strukturlar arasında koordinasiya məsələsi yerinə yetirə bilmə xarakteri də daşıyır”. Ekspert qeyd edibki, Xəzər dənizi Azərbaycan üçün strateji əhəmiyyət daşıyır. Neft, qaz çıxarılan platformalar Xəzərdə yerləşdiyinə görə onların təhlükəsizliyi həm sərhəd baxımından həm də fövqalədə vəziyyətlər yaranarsa qarşısının necə alınması baxımından əhəmiyyətlidir. Onun sözlərinə görə, burda təkcə hərbi münaqişələrdən və ya sərhəd pozuntusundan söhbət getmir: “Qeyd edim ki, dəniz platformalrında priativ dünya üzrə qəzalar, yanğınlar, partlayışlar baş verir. Bu baxımdan da FHN-nin bu işə cəlb olunması təqdirəlayiqdir”-deyə əlavə edib.” Təlimin məqsədlərindən biri də dövlətin qüdrətini yaxın qonşulara nümayiş etdirməkdir. Quruda, dənizdə, havada keçirilən tədbirlərə qonşu dövlətin nümayəndələri də dəvət olunur. Bundan əlavə hansısa fövqalədə vəziyyətlərdə qonşu ölkələr də yardıma gələ bilər. Belə təlimlərin keçirilməsi qonşu Rusiya və İrana birmənalı olaraq mesaj göndərmək xarakteri daşıyır”.

Ramilə