Rüstəm İbrahimbəyov Elşad Abdullayevlə görüşəcək

Hazırda Moskvada səfərdə olan Azərbaycan Ziyalılar Forumunun təsisçilərindən olan yazıçı, kino xadimi Rüstəm İbrahimbəyov oradan da Fransaya gedəcək.

Parisə səfər zamanı R.İbrahimbəyov fəaliyyətinə xitam verilmiş Azərbaycan Beynəlxalq Unversitetinin (ABU) sabiq rektoru, hazırda Fransada mühacirətdə olan Elşad Abdullayevla görüşəcək. Bu barədə XezerNews.az-a R.İbrahimbəyovun yanında təmsil olunan ziyalılardan biri məlumat verib. 

Verilən məlumata görə, görüş zamanı R.İbrahimbəyovla E.Abdullayev arasında son vaxtlar yaranan ictimai-siyasi vəziyyətə dair söhbətlərin aparılması gözlənilir.  

Qeyd edək ki, R.İbrahimbəyovun Fransadan sonra ABŞ-a nəzərdə tutulan səfəri çərçivəsində sabiq spiker, Açıq Cəmiyyət partiyasının lideri Rəsul Quliyevlə görüşü planlaşdırılır.

Veteninfo.az