SAAKAŞVİLİNİN İSTEFASI TƏLƏBİ İLƏ AKSİYALAR KEÇİRİLİB

Ötən gün Gürcüstan paytaxtı Tbilisi və ölkənin digər şəhərlərində prezident Mixail Saakaşvilinin istefası tələbi ilə aksiyalar keçirilib. İTAR-TASS-ın məlumatına görə, aksiyaları bir neçə ictimai təşkilatın üzvləri təşkil edib.

Onlardan biri Mixail Andguladzenin sözlərinə görə, son iki ayda bu tələblə 800 minə yaxın imza toplayıblar. Onun sözlərinə görə, dünənki aksiya xəbərdarlıqdır və əgər Saakaşvili istefa verməsə, mitinqlər müntəzəm və daha geniş xarakter alacaq.

Aksiyaçılar qeyd edir ki, yanvarın 20-də Saakaşvilinin 2-ci andiçmə mərasiminin düz 5 ili tamam olur. Gürcüstan qanunlarına görə, prezident 5 illiyə seçilir.

Növbəti seçki isə oktyabrda keçiriləcək (azadlig.org).

Vətəninfo.az