Səfirlər İP-ə dəstək verəcəklərini bildiriblər

“İctimai Palatının (İP) mayın 9-na təyin etdiyi mitinqi şəhərin mərkəzində keçirməkdə israrlılığı İP rəhbərliyi ilə Avropa Birliyinə daxil olan ölkələrin Azərbaycandakı səfirləri arasındakı görüşlə bağlı deyil”. Bunu “Vətəninfo.az”-a açıqlamasında İP-in Koordinasiya Şurasının üzvü Rafiq Manaflı bildirib. Onun sözlərinə görə, diplomatlarla görüş maraqlı keçib: “Görüşdə mitinq məsələsi müzakirə edilməyib. Ümumilikdə Azərbaycanda demokratiyanın inkişafı, azad və ədalətli seçkilərin keçirilməsi, insan hüquqları və başqa mövzularda söhbət aparılıb. Onlar qeyd etdilər ki, bütün bu deyilənlərin Azərbaycanda mövcud olması vacibdir”. Diplomatlar İP-yə dəstək olacaqlarını bildirdilərmi? Sualına R.Manaflı belə cavab verib: “Onlar diplomatdırlar, bunu heç vaxt açıq şəkildə deməzlər. Amma dolayısı ilə dəstək verəcəklərini bildirdilər”

Oral MƏDƏNÇİ