Separatçı rejim işğal altındakı ərazilərimizdə “parlament seçkiləri” təyin etdi

Azərbaycanın işğal altında olan ərazilərində mayın 3-nə “parlament seçkiləri” təyin edilib.

APA-nın məlumatına görə, bu barədə Azərbaycan ərazilərində yaradılmış separatçı Dağlıq Qarabağ rejiminin rəhbəri Bako Saakyan “sərəncam” imzalayıb.

Qeyd edək ki, “parlament seçkiləri”nin təyin olunduğu ərazilər beynəlxalq hüquqla Azərbaycan torpaqları kimi qəbul olunur və BMT Təhlükəsizlik Şurasının 822. 853, 874 və 884 saylı qətnamələrində Ermənistan silahlı birləşmələrinin Azərbaycan ərazilərini işğal etdiyi deyilir.