Sevda Yahyayeva konsert verdi

"Bir libasa 2 mindən çox qaş düzülüb”.

Müğənni Sevda Yahyayevanın "İtmiş ada” adlı solo konserti baş tutub. 

Vətəninfo.az axşam.az-a istinadla xəbər verir ki, "Yaşıl Teatr”da keçirilən gecədə ifaçını sənət dostları da tək qoymayıb. 

Onu izləməyə gələnlər arasında əməkdar artist Abbas Bağıov, müğənni Ramal İsrafilov, Nazim Məmmədov, Emil Bədəlov, Zamiq Hüseynov, Xəyyam Nisanov, aktyor Elşən Orucov və başqaları yer alıb. 

Səhnəyə çıxarkən ilk olaraq "Sən” mahnısını oxuyan S.Yahyayeva üç ifadan sonra tamaşaçılarla salamlaşıb. O, aylardı həyəcan keçirtdiyini etiraf edib:

"Aylardı dua edirəm ki, konsert yaxşı keçsin. Mənim "İtmiş adamın sakinləri”, xoş gəlmisiniz”.

Müğənni geyimlərindən də danışıb:

"Libasımı gənc modelyer Lamiyə xanım hazırlayıb. Paltarlar mən ağırlıqdadır. Bir libasa 2 mindən çox qaş düzülüb. Bir gecənin içində hazırladıq. Səhər saat beşə qədər bu libaslara görə oyaq qalmışıq. Amma nəticə gözəl oldu”.

S.Yahyayevanın stili üzərində Elnur Həsənov çalışıb.