Sevinc Babayevanın kitabı Texniki Universitetdə tədris olunur – EKSKLÜZİV

Vətəninfo.az-ın əldə etdiyi məlumata görə, Elşad Abdullayevin Gülər Əhmədova ilə bağlı yaydığı videolarda görüntülənən və bu günlərdə İstanbulda dünyasını dəyişən Sevinc Babaevanın və Sabir Cümşüdovun birgə yazdıqları "Telekommunikasiya sahəsində sosial-iqtisadi inkişafın sürətləndirilməsinin əsas istiqamətləri" adlı kitabını Azərbaycan Texniki Universitetində tələbələr dərs vəsaiti olaraq istifadə edirlər.
Məlumata görə, iqtisad elmləri namizədi olan mərhum Sevinc Babayeva Sabir Cümşüdovla birlikdə kitabı 2009-cu ildə Bakı "Təhsil" NPM-də çap etdirib.
Verilən məlumatda deyilir ki, qeyd olunan kitab Azərbaycan Texniki Universitetinin "mühəndis biznes və menecmenti" fakültəsinin Elmi Şurasının qərarı ilə nəşr olunub.
Kitabın elmi redaktoru ATU-nun "xidmət sahələrinin iqtisadiyyatı və menecment" fakültəsinin müdirinin müavini, iqtisad elmləri namizədi F.M.Hacıyev, rəyçiləri "xidmət sahələrinin iqtisadiyyatı və menecment" fakültəsinin dosenti, iqtisad elmləri namizədi T.Ə.Xəlilov və həmin kafedranın müdiri - iqtisad elmləri namizədi, dosent M.A.Məmmədovdu.

Kənan

Vətəninfo.az