Sevinc Babayevanın ölümündə Rusiya izi - İddia

Son günlər Azərbaycana qarşı Fransanın Elşad Abdullayevin yaydığı video görüntülərin fonundakı təyziqlərə artıq yenisi əlavə olunub. Bu dəfə isə Rusiya Azərbaycana açıq-aşkar meydan oxumağa başlayıb ki, bununda arxasında Rusiya prezidenti Vladimir Putinin durduğu açıq şəkildə özünü biruzə verir.

Azərbaycanın Qəbələ RLS-i ilə bağlı başlanan ikitərəfli atışmalar, Rusiyanın forpostu Ermənistana bütün beynəlxalq qaydaları pozaraq hərbi yardımların olunacağı ilə bağlı verdiyi ciddi bir açıqlama ilə nəticələndi. Kreml nəyin ki, bəyanat verir, hətta bunu rəsmi olaraq həyata da keçirir. 

Rusiya Azərbaycanda hakimiyyəti dəyişmək, özünün forpostlarını hakimiyyətə gətirmək üçün də fəaliyyətinə start verib. Artıq Azərbaycanda müxtəlif siyasi qüvvələrin Kreml tərəfindən ələ alındığı və yaxın günlərdə bu qüvvələrin müxtəlif aksiyalara əl atacağı iddia edilməkdədir.

Maraq doğuran iddialardan biri də Elşad Abdullayevin yaydığı video görüntülərdəki Sevinc Babayevanın İstanbulda müəmmalı şəkildə ölümü ilə bağlıdır.

İddialara görə, bu ölümün arxasında Rusiya kəşfiyyat orqanları ola bilər və Rusiya Azərbaycan hakimiyyətinə qarşı təxribatların artması üçün bunu həyata keçirib.

Kənan

Vətəninfo.az