“Siyasi partiyalarla hakimiyyət arasında istənilən məsələ müzakirə oluna bilər”

“Bizim siyasi partiyalarla görüşümüz ənənə halını almaqdadır. İki ay əvvəl keçirdiyimiz görüşdə gələcək üçün bəzi məsələləri müzakirə etdik. Bu məsələlər arasında belə görüşlərin formatı, tematikası, görüşlərdən sonra cəmiyyətə çatdıracağımız ideyalar, siyasi partiyalarla hakimiyyətin əməkdaşlığının bəzi prinsipal tərəfləri, siyasi partiyaların Azərbaycan cəmiyyətində rolu, partiyalarda təmsilçilik, onların maliyyələşməsi, partiya və Azərbaycanın daxili-xarici siyasəti və digər məqamlar olub”.

Vətəninfo.az xəbər verir ki,bunu Azərbaycan Prezident Administrasiyası İctimai-siyasi məsələlər şöbəsinin müdiri Əli Həsənov bir sıra müxalif partiyalarla keçirilən görüşdə deyib.