Suriya qırıcıları İsrail səmasında - ŞOK

“Yeni Şərq”in İsrail televiziyasının 10-cu kanalına istinadən verdiyi məlumata görə, Suriya qırıcıları İsrail hava məkanına daxil olaraq Tel-Əviv və Həyfa səmalarında aşağı hündürlükdə uçuşlar keçirib.

Qırıcıların səmaya vərəqələr səpdiyi bildirilir. Həmin vərəqələrdə yazılıb: "İsrailin hücumunun cavabı uyğun zaman və məkanda veriləcək. Amma vaxtını və məkanını biz təyin edəcəyik".

Xatırladaq ki, bir neçə gün öncə İsrail qırıcıları Suriyanın hava sərhədlərini pozaraq, Dəməşq yaxınlığındakı hərbi tədqiqat mərkəzini bombardman etmişdi. Bombardman zamanı 7 nəfərin ölməsi və ağır xəsarət alması ilə yanaşı, sözügedən tədqiqat mərkəzinə böyük ziyan dəymişdi.

Rəqsanə Yusifzadə