Türkiyədə 28 may-Respublika Günü qeyd edilir

Türkiyənin bir sıra şəhərlərində Azərbaycan Xalq Cümhuriyyətinin yaranmasının 97-ci ildönümünə həsr edilən silsilə tədbirlər təşkil edilir.

Vətəninfo.az-ın məlumatına görə, “A24.az” Türkiyə medaisına istinadən xəbər verir ki, tədbirlərdən biri İzmir şəhərində keçirilib. Azərbaycan Qardaşlıq və İş Birliyi Dərnəyinin təşkilatçılığı ilə baş tutan tədbir hər iki ölkənin dövlət himninin səslənməsi ilə başlayıb. Sonra bu günlərdə Binəqədi rayonunda baş verən yanğın hadisəsi zamanı həyatını itirənlərin xatirəsi yad edilib.  Sonra AXC-nin yaranması və fəlaliyyəti ilə bağlı məlumat verilib.
28 May-Respublika Günü ilə bağlı düzənlənən tədbirlərin biri həmçinin Eskişehirde reallaşıb. Tədbir Eskişehir Azərbaycanlıları Dərnəyi tərəfindən təşkil edilib.
Bundan başqa, Qarsda da Cümhuriyyətin 97-ci ildönümü münasibətilə tədbir kerçəkləşib. Tədbir Azərbaycanın Qarsdakı Baş Konsulluğu tərəfindən təşkil edilib.