Türkiyədə küçələrdən birinə erməni jurnalistin adı verildi

Türkiyənin Malatya şəhərində küçələrdən birinə İstanbulda məruz qaldığı silahlı hücum nəticəsində ölən erməni əslli jurnalist-yazıçı Hırant Dinkin adı verilib. Bu barədə “Anadolu” agentliyinə (AA) Malatya bələdiyyəsinin sədri Əhməd Çakır məlumat verib. Sədr şəhərin küçələrinin adının tanınmış malatyalıların adı ilə dəyişdirldiyini bildirib. Əhməd Çakır bildirib ki, erməni jurnalistin adının verildiyi küçə onun doğulduğu evin olduğu küçədir.

Qeyd edək ki, Əhməd Çakır küçələrdən birinə PKK terror təşkilatına verdiyi dəstək səbəbindən Fransada mühacirətdə ölən müğənni Əhməd Kayanın adını verib. Bundan başqa şəhərdəki küçələrə tanınmış malatyalılardan İlyas Salmanın, Kamal Sunalın, Belkis Akkalenin də adı verilib. /ANSPress/