Vilyam Hacıyev töhmət aldı - ŞOK

Yanvarın 31-də İmişlidə baş verən üsyan əhalinin yerli Icra Hakimiyyətinin başçısı Vilyam Hacıyevə olan inamsızlığı və onun rayonda baş verən özbaşınalıqlara birbaşa yol açmasından irəli gəlsə də, İmişli əhalisinin dövlətə və ölkə prezidenti İlham Əliyevə olan inamı sayəsində Vilyam Hacıyevə qarşı olan narazılıq soyumuş oldu. Amma Hafiz Hacıyevin əmisi oğlu Vilyam Hacıyev xalqın nifrətindən canını qurtarsa da, dövlətin qəzəbindən canını qurtara bilmədi.
Vətəninfo.az-a daxil olan məlumata görə, yanvarın 31-də İmişli hadisələri ilə bağlı Vilyam Hacıyevə şiddətli töhmət verilib.
Rayonda keçirdiyi son müşavirədə özünü təmizə çıxarmağa çalışan Vilyam Hacıyev aldığı töhmətin acığını yerli məmurlardan çıxıb.
Vilyam Hacıyev bir vaxtlar köhnə peşəsi olan şturman kimi o qədər havada uçub ki, indi icra başcısı olaraq ayaqları yerə dəymir. Elə ona görə də əhaliyə yuxarıdan aşağı baxaraq, İmişlidə ekoloji terror həyata keçirir. İmişlidən və onun təbiətindən kimin qisasını alır, bilinmir.

Kənan

Vətəninfo.az