Xaç işarəsinə görə, Bakıdakı hava limanı sökülür

“Vətəninfo.az” a etibarlı mənbələrdən daxil olan məlumata görə, Azərbaycan Hava Yolları (QSC) tərəfindən yeni inşa olunan hava limanındakı işləmələrin, şüşə konstruksiyalarının üzərində xaç işarələrinin olduğu ortaya çıxıb. Məlumatda həmçinin o da bildirilir ki, bu haqda orada çalışanlar tərəfindən Heydər Əliyev fondunun prezidenti, ölkənin birinci xanımı Mehriban Əliyevaya məlumat verilib. Və Mehriban Əliyeva tərəfindən “Azərbaycanda “Euovision 2012 müsabiqəsi başa çatdıqdan sonra həmin hava limanındakı işarələr dəyişdirilsin”,- deyə tapşırıq verilib. “Vətəninfo.az” olaraq məsələ ilə bağlı araşdırma apardıq və həqiqətən də xaç işarələrin olduğunun şahidi olduq.  Əldə etdiyimiz məlumata görə, bu işarələr şirkətin layihəsində öz əksini tapıb, lakin Azərbaycanda bu işi həyata keçirən şirkətlər məsələdən sonradan xəbərdar olub. Məsələyə aydınlıq gətirmək üçün, Azərbaycan Hava Yollarının (AZAL) mətbuat xidməti ilə əlaqə saxlamağa çalışsaq da, heç bir məlumat əldə edə bilmədik.

İnformasiya şöbəsi