“Öz aralarında razılığa gələ bilmirlər, stol, vəzifə davası gedir”

Burada məqsəd həm də müxalifəti daha da parçalamaq, əhaliyə isə belə bir mesaj verməkdir ki, müxalifət öz aralarında razılığa gələ bilmir, stol, vəzifə davası edir. 

Bu sözləri Veteninfo.az-a AMİP Mərkəzi Şurasının üzvü, politoloq Əli Orucov vahid namizədlə bağlı fikirlərini şərh edərkən bildirdi.

“Beləliklə də, həm bununla seçkilərə olan inamı azaltmaq, əhalinin seçkiöncəsi fəallığının qarşısını almaq, disskusiyaları vacib problemlərdən yayındırmaq, gələcək saxtakarlıqlara bəraət qazandırmaq üçün zəmin yaratmaqdır”,-politoloq qeyd etdi.

Politoloq fikirlərini davam etdirirək  indiki potensial və əhval ruhiyyə ilə müxalifətin seçkilərə qatılacağı təqdirdə, vahid namizədlə də olsa belə, uğur qazanacağının ağlabatan olmadığnı söylədi:

“Ona görə də hesab edirəm ki, vahid namizədin kim olacağı haqqında boş-boşuna baş sındırmaqdansa, müxalifət ölkədə normal seçki mühitinin yaradılmasına, beynəlxalq dəstəyin alınmasına, protest elektoratı inandırıb öz tərəfinə çəkməyə və maliyyə qaynaqları tapmağa nail olmalıdır”.

Elnur Eltürk