Zeynəb Xanlarova Əli Kərimlini müdafiə etdi

“Onun haqqında bu şayiələri yalnız Əli Kərimlinin düşmənləri yaya bilər”

“Mən Əli Kərimlinin xətrini çox istəyirəm. Ona görə mən bu sözü deməliyəm. Ona qara yaxırlar”. “Qafqazinfo” xəbər verir ki, bunu “Azadlıq” qəzetinə açıqlamasında SSRİ xalq Artisti Zeynəb Xanlarova AXCP sərdi Əli Kərimliyə qarşı irəli sürülən ittihamlara münasibət bildirərkən deyib. Elçibəyin Ə. Kərimli tərəfindən zəhərlənməsi barədə ittihamları yersiz sayan xalq artisti belə deyib: “Mən Londondayam. Amma bu xəbəri eşidəndə dözə bilmədim. Əli Kərimli Elçibəyin xətrini çox istəyirdi. Onun haqqında bu şayiələri yalnız Əli Kərimlinin düşmənləri yaya bilər. İnana bilmərəm buna heç zaman. O, cavan adamdır. Niyə ona bu qədər qara yaxmağa çalışırlar?”.