Ziya Məmmədova qarşı yeni ittiham

Nəqliyyat nazirinin Qarağ veteranlarının əmlakının əlindən aldığı deyilir

 Məmmədovlar Goranboydakı gips karxanalarını ələ keçirir.Döyüşüb ermənidən aldığımız torpaqdakı iş yerimizi Ziya Məmmədov yağmalamaq istəyir. “Vətəninfo.az”ın “Musavat.com”a istinadən verdiyi məlumata görə, bu fikirləri Qarabağ müharibəsinin iştirakçısı Füzuli Qasımov bildirib. “Biz bu torpaqları erməniyə vermədik, buradakı iş yerimizi Ziya Məmmədova da verməyəcəyik. Bizim çörəyimiz əlimizdən alınır. Biz heç nədən qorxmuruq, çəkinmirik”-deyən  Füzuli Qasımov  məsələlərin onların xeyrinə öz həllini tapacağını bildirib: “Prezidentimiz İlham Əliyevə güvənirik. Biz dövlətimizdən ötəri canımızı qoymuşuq. Ziya Məmmədov Goranboyun Yuxarı Ağcakənd kəndindəki sahibkarların əmlakını ələ keçirmək istəyir. Əsas məsələ budur. Biz bu torpaqları ermənidən almışıq. İndi də Ziya Məmmədov, onun oğlu Anar Məmmədov və ətrafları bu torpaqları əlimizdən almaq istəyir. Gəlin, burada yerindəcə başımıza gətirilən müsibətləri araşdırın”.