Ziyalılar Forumu ilə İctimai Palatanın görüşü olmayacaq

“Sabah Ziyalılar Forumu ilə İctimai Palatanın Koordinasiya Şurasının xüsusi bir görüşü nəzərdə tutulmayıb”. Bunu “Vətəninfo.az”a açıqlamsaında Müsavat Partiyasının sədr müavini Gülağa Aslanlı bildirib. Onun sözlərinə görə, bu məsələ mətbuatda bir qədər şişirdilib: “Məndə olan məlumata görə, sabah hər iki təşkilat arasında heç bir görüş olmayacaq. Sadəcə İctimai Palata və Ziyalılar Forumun rəhbərliyində təmsil olunan bir neçə nəfər bir araya gələrək müəyyən məsələləri müzakirə edəcəklər. Belə müzakirələr mütəmadi keçirilir. Müzakirə olunacaq məsələlərə ölkədəki son durum və İctimai Palatanın 22 aprel mitinqinə Ziyalılar Forumunun qatılıb-qatılmaması daxildir.-deyə, G.Aslanlı əlavə edib. 

Oral MƏDƏNÇİ