AMEA-nın institut direktoru istefa verdi

Azərbaycan Milli Elmlər Akademiyasının Nəsimi adına Dilçilik İnstitutunun direktoru, türkoloq Tofiq Hacıyev tutduğu vəzifədən istefa verib.

Vətəninfo.az xəbər verir ki, Aznews.az-ın məlumatına görə, onun istefasına səbəb institut daxilindəki münasibətlər və akademiya rəhbərliyinin müdaxilələri olub.

Bildirilir ki, T.Hacıyevin yerinə Füzuli adına Əlyazmalar İnstitutunun elmi işçisi, professor Möhsün Nağısoylu təyin olunub. M.Nağısoylu vəzifəsinin icrasına gələn həftənin bazar ertəsindən başlayacaq.

Qeyd edək ki, Tofiq Hacıyev Dilçilik İnstitutunda direktor vəzifəsinə 2014-cü ilin aprel ayında təyin edilmişdi. O, həm də Bakı Dövlət Universitetinin türkologiya kafedrasının müdiridir.