Eldar İsmayıloğlu: "Adamlar yıxılır üzü Allaha..."

Eldar İsmayıloğlu:
Eldar İsmayıloğlu

Ağac sükutundan 
min ağıllı səni dartıb çıxara bilmirsə,
demək, uzunömürlü bir xatirən var.
...Ən gözəl qadınların dəfn olduğu güzgülərdi həyat.
Yenə də çiçəklər gec dil açdı...
Təbəssümlər vicdanla ürək arasında sıxıldıqca
havan hər gün dəyişkən, buludlu olduqca...
Ürəyinin çat yerindən 
adamlar yıxılır, üzü Allaha...

Canımızın ağrısından, 
kökümüzün susuzluğundan 
nəyinsə uğrunda ölə bilmədik...
Amma 
uğrunda sənin kimsə öldüsə,
demək, doğulmamısan hələ.

...Üşütdükcə üstüaçıq baxışlar
adam dualarını qaranlığa çiləyir.
Daha 
məni tablo təki sabahlara asma,
Kədərin çox ağırdı, qadın,
qaldıra bilmirəm, bağışla!..

Miq.Az




İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az