Zabit Səmədovdan etiraz bəyanatı

Peşəkar döyüşçü, dünya və Avropa çempionu Zabit Səmədov onun fotoşəklindən kriminal xəbərlərdə istifadə edən agentliklərə etirazını bildirib.


Sport7.az xəbər verir ki, Səmədov bu etirazını sosial şəbəkə vasitəsiylə yayıb: "Bu gün saat 14:16-da "APA İnformasiya Agentliyi"nin dərc etdiyi kriminal xəbərdə aidiyyatı olmadan mənim fotomu təqdim etməsi məni çox məyus etdi. Belə bir qeyri-peşəkarlıq illərdir dünya arenalarında ölkəmizi uğurla təmsil etməklə qazandığım müsbət imicə zərbə vurur. Güman edirəm ki bu səhv tez bir zamanda aradan qaldırılar".