"Bank Technique"dəki bütün hesablar donduruldu

Vətəninfo.az xəbər verir ki, Ölkə.az-a daxil olan bir məlumatda Azərbaycanın ən iri kommersiya banklarından biri olan "Bank Technique"də bütün maliyyə əməliyyatlarının dayandırıldığı bildirilir. Bu gün bankda hesabı olan vətəndaşların heç birinə nə maliyyə əməliyyatlarını yerinə yetirməyə, nə də hesablarından pul çəkməyə icazə verilməyib.

Bankdan əmanətçilərə və müştərilərə bütün əməliyyatların və hesabların qeyri-müəyyən müddətə dondurulduğunu bildiriblər.

Xatırladırıq ki, bank, sığorta sektorunda da fəaliyyət göstərir. Azərbaycanın ən köhnə kommersiya banklarından biri olan "Bank Technique" həm də "Alfa Sığorta” ASC və qiymətli kağızlar bazarında aktiv fəaliyyət göstərən və ən qabaqcıl brokerlərdən hesab olunan "Texnika Kapital Menecment” MMC müəssisələrinin səhmdarıdır.