SOCAR Ceyhan limanından 11,3 mln. ton neft ixrac edib

Azərbaycan Dövlət Neft Şirkəti (SOCAR) avqust ayında Ceyhan limanından (Aralıq dənizi, Türkiyə) 871 787 ton xam neft ixrac edib.

Ötən ilin avqust ayında nisbətən Ceyhandan ixrac 55% azalıb.

Ümumilikdə, yanvar-avqust ayları ərzində Ceyhan limanından 11 272 041 ton xam neft ixrac edilib ki, bu da illik müqayisədə 19% azdır.

Qeyd edək ki, SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus həcmləri əks etdirir. Azərbaycan nefti Bakı-Tbilisi-Ceyhan boru kəməri vasitəsilə Türkiyənin Ceyhan limanına nəql olunur və buradan Aralıq dənizi vasitəsilə Avropa bazarına ixrac edilir.

Bakı-Tbilisi-Ceyhan boru kəməri Bakı yaxınlığındakı Səngəçal terminalından başlayır. Boru kəmərinin gündəlik ötürmə qabiliyyəti 1,2 mln. barel neftdir. Kəmər 2006-ci ildən istifadədədir.

"Report"