Bir ömür kədər

Bir ömür kədər
         Elşən DAĞLAR                                              
 
(Sonsuz bibim xatirəsinə)
 
  Sünbül üstə dən-pəncərə,
  Qapı-həsrət,qəm-pəncərə,
  Kim qapıdı, kim pəncərə?
  Qapı qəmdən cərən olub.
 
  Qar-göyün ahlı baxışı,
  Yol-yerin qədər naxışı.
  Pəncərəmdə qəm qarğışı,
  Güzgüdə gül dərən olub?
 
  Həsrətə üzüm yumuşaq,
  Sevinci qəmdə yumuşam.
  Kədərdə sevinc ummuşam,
  Qəmdə sevinc görən olub?
 
  Hanı haqqın tərəzisi?
  Tərəzinin yox razısı...
  Daş oldu alın yazısı,​
  Dünyam qəmdən pərən olub.
 
  Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az