“Bu xəbərlərin İvanişvilinin Azərbaycana səfəri zamanı gündəmə gətirilməsini doğru saymıram”

Əslində bir neçə gün bundan əvvəl baş vermiş hadisəni bizim KİV-lərin indi yazmasını Gürcüstan Prezidentinin Azərbaycana səfəri zamanı gündəmə gətirilməsini doğru saymıram.

Bu sözləri “Veteninfo.az”a sabiq millət vəkili, tanınmış iqtisadçı Nazim Məmmədov Gürcüstanda ARDNŞ-yə məxsus terminalın bağlanması ilə bağlı yayılan xəbərləri şərh edərkən bildirdi.

“Kulevi terminalında yerli işçilərlə əcnəbilərin maaşlarının kəskin fərqi ucbatından yarandığını və həmkarlar təşkilatının bu istiqamətdə apardığı danışıqlarının fayda verməməsinin nəticəsi kimi qiymətləndirirəm. Bu bir daha Gürcüstan cəmiyyətinin demokratik cəmiyyət olduğunun göstəricisi kimi qəbul edilməlidir. Nəticə isə bizim ölkəmizdə fəaliyyət göstərən xarici transmilli şirkətlərinin azərbaycanlılara qarşı indiyə qədər apardıqları "diskriminasiya" siyasətinə bir daha baxmaqları və öz fəaliyyətlərinə korrektə etməyə gətirib çıxartmalıdır”,-deyə Nazim Məmmədov qeyd etdi.

Elnur Eltürk