Qurban bayramı günlərində heyvan satışına nəzarət olunacaq

Onun sözlərinə görə, Bakı şəhərində rayon icra hakimiyyətləri tərəfindən müəyyən edilmiş ərazilərdə, eləcə də DBNX-nin nəzarəti altında olan məkanlarda baytarlıq xidməti həyata keçiriləcək: "Baytarlıq xidməti çərçivəsində tədbirlərin həm Qurban bayramı ərəfəsində, həm bayram günləri, həm də sonrakı günlərdə həyata keçirilməsi nəzərdə tutulub. Bakı şəhərində 27 baytarlıq sanitariya-ekspedisiya laboratoriyası, eləcə də səyyar baytarlıq sanitariya-ekspedisiyası laboratoriyası fəaliyyətdədir. Heyvan rayonlardan gətiriləcəksə, sağlam ərazilərdən gətirilməsi tələb olunacaq. Gətirilən heyvanlar baytarlıq şəhadətnaməsi əsasında müşayiət olunmalıdır. Şəhadətnamə əsasında gətirilən heyvanların satışına icazə verilir".

Xidmət rəsmisi onu da bildirib ki, həm səyyar, həm də stasionar formada olan laboratoriyalarda kəsilən heyvanlardan götürülən nümunələr müayinə olunacaq.

Qeyd edək ki, sentyabrın 24-ü və 25-i Qurban bayramıdır.