BTQ dəmir yolu layihəsinin Gürcüstan hissəsində işlər yekunlaşıb

“Bakı-Tiflis-Qars dəmir yolu layihəsinin Gürcüstan hissəsində işlər praktiki cəhətdən yekunlaşıb”.

APA-nın Gürcüstan bürosunun məlumatına görə, bunu azərbaycanlı jurnalistlərə açıqlamasında Gürcüstanın iqtisadiyyat və sabit inkişaf naziri Georgi Kvirikaşvili deyib. O bildirib ki, artıq test qatarı hazırdır: “Bu qatar bizim sahədə hərəkət edə bilər. Gürcüstan sahəsini dəmir yolunun Türkiyə sahəsi ilə birləşdirən tuneldə tikinti işləri aparılır. Türkiyə tərəfində də işlər gedir. 2015-ci ilin sonunda layihə başa çatacaq və istismara veriləcək”.